Moitas pingas xuntas fan un mar enteiro

banner-horizontal

Na Marea traballamos coas nosas mans, coa forza da cidadanía. Non temos hipotecas nin préstamos bancarios, nin os queremos. Precisamos independencia económica para poder facer políticas que beneficien ao 99%, para que a nosa conta de favores siga a cero, para que ningunha empresa ou entidade financeira nos marque o camiño. Mantemos a nosa estrutura ao mínimo, e os nosos gastos son moito máis cativos que os doutras organizacións. Mentres teñamos o apoio da xente, a marea seguirá a subir, polo ben común, polo interese da maioría. Se queres, e podes, axúdanos.

Se queres apoiar á Marea Atlántica pódelo facer mediante:

  1. Achega periódica vía domiciliación
  2. Achega puntual vía tarxeta bancaria
  3. Transferencia

Como podo colaborar?

Como queiras e podas. Cun pago periódico ou cun donativo único. Coa cantidade que ti elixas. Cada pinga conta.

En que gastamos os cartos?

  • Alugueiro no noso local.
  • Actos públicos para dar a coñecer o noso traballo.
  • Impresión de folletos e material gráfico.
  • Mantemento de equipos informáticos, de fotografía e de vídeo.
  • Desprazamentos.

Podes ver máis detalles aquí: As contas da Marea Atlántica

Non podedes pagar todo iso cos cartos do grupo municipal?

Non, recibimos achegas públicas, como todas as formacións políticas con representación institucional, pero non empregamos fondos do grupo de goberno municipal para soster a estrutura da Marea Atlántica. É unha cuestión básica de hixene democrática.

Podo fiarme?

Si, pero non tes que dar por boa a nosa palabra. Periodicamente publicaremos informes co estado das nosas contas, explicando que estamos a facer cos cartos. O vindeiro, a final de ano.